PREMIUM Uzbekistan UKAS database

    "Premium Uzbekistan" MCHJ ISO 9001 va ISO 22000 xalqaro standartlari talablariga muvofiqlikni tasdiqlab, sifat va oziq-ovqat xavfsizligi menejmenti tizimi bo‘yicha qayta sertifikatsiyadan muvaffaqiyatli o‘tdi. Audit "URS REGISTRAR CA" MCHJ  URS kompaniyasining Markaziy Osiyodagi rasmiy vakili tomonidan o‘tkazildi.

      Tekshiruvni Yevropa tiklanish va taraqqiyot banki (ETTB), Jahon banki va Xalqaro moliya korporatsiyasi (IFC) texnik ekspertlari bo‘lgan malakali auditorlar amalga oshirdi. Bu baholash jarayonining yuqori darajadagi kompetentligini va mustaqilligini ko‘rsatadi.

     Olingan sertifikatlar xalqaro e’tirofga ega bo‘lib, dunyodagi eng nufuzli akkreditatsiya tashkilotlaridan biri hisoblangan va Xalqaro akkreditatsiya organlari assotsiatsiyasi (IAF) steykholderlari qatoriga kiruvchi UKAS (United Kingdom Accreditation Service) akkreditatsiyasi bilan tasdiqlangan.

"Premium Uzbekistan" MCHJ UKAS amaldagi ma’lumotlar bazasida rasmiy ro‘yxatdan o‘tkazilgan, bu esa to‘liq shaffoflikni va kompaniya nomi orqali rasmiy UKAS veb-saytida sertifikatning haqiqiyligini tekshirish imkoniyatini ta’minlaydi.